(A̱kʉ́roŋa’ŋ murul (Murul dɨo pis

Poora’ŋ ba̱rʉ‑sí âl‑si Sʉdân‑lé kɨ́gɨ́e‑Ka̱nyʉe ayé 1917D, kí Murul kaé, Poora’ŋ ba̱rʉ’ŋ Á̱bʉŋa namá kawajáta‑lé keŋé deem ka̱rtʉ̂m namás in aáŋé âl gís gɨ́reŋ beŋa na dáíŋ ba̱rʉ‑sís ba̱nyʉwa kí sʉdân na kɨ́ dʉrté kaŋ ati saare bɨ́ buro dáíŋ sʉʉrʉ’ŋ kʉrɨŋ ay níŋ lóŋ?
İn namá á̱bʉŋa kí kɨ́eŋ órréŋá’ŋ nyet ná Kawáje‑sí kɨ́ɨ́ŋol.
Kawáje namás Poora’ŋ ba̱rʉ‑sí Murul jáá in namá A̱kʉ́roŋa’ŋ murul‑ii ná ayé 1918D kuro
Dʉ́ó ála á keba áláŋ ila sʉʉrʉ‑sí julu
Dʉó ála á keba áláŋ ila sʉʉr‑sí dʉó‑sí íní
Na ila kʉrɨŋ‑sí ɨdɨ̂ɨ́ŋ kaé áláŋ dʉó á keba áláŋ dáíŋ sʉʉr‑lé dóŋá írí jaa, na kuriŋa kúnyúŋol áláŋ ila kuriŋ‑sís ta̱bʉ kǎba ná ila káwa âl‑si yeŋa‑sí awǎ̱rɨgɨ namá Murul keer kuro ayé 1925 nás kuriŋ 1918’íŋ‑sí jɨ́be ná in kwǎ dʉó ála á keba áláŋ kila a̱kʉ́roŋa’ŋ sabba ittíríg díg dog beet, na dog kwa kerŋa kéle ná dog kǒeliŋi áláŋ ila sʉʉr‑sí kabe namá kʉrɨŋ keer kuro ayé 1928 nás kila ájéŋá‑sí taan nás jɨ́nynyáa.
Soga ta̱bʉ kwǎ‑le gí bǎno kʉrɨŋa kɨwwóŋa (1947, 1950, 1970) ay beléŋá.
naa, kɨ́, na dʉó bi dʉó ɨd ná ʉʉ’ŋ see-sí pʉttó tɨêl, in lôŋ áláŋ kʉrgʉ́lʉ́ŋó nás kila kʉrɨŋa’ŋ sagala nyé kéla áláŋ‑si kaluŋ ka ke keer ná‑ii jaan.
Na âl in leel éla nás Solóŋa dǐi‑sí Gaára rááŋa na sʉʉrʉs gaara kí Gaára kɨwóŋa, áláŋ koŋa suúr írí kaa nás dáíŋ ba̱rʉ ká̱ɨ́ŋa na káíŋ ótáŋá‑sís kaldó nás kɨnynya.
Baáno gí soga ta̱bʉ kwă-le.